CONFAPA-GALICIA (Confederación Galega de APAs de Centros Públicos) é unha entidade autonómica, sen ánimo de lucro, legalizada no ano 1987 e está formada polas Federacións Provinciais de APAs de Centros Públicos da Coruña, Lugo, Ourense e Pontevedra. É dicir, conforman a nosa organización todas as Federacións Provinciais de Galicia, cun total de 677 APAs o que supón máis de 50.000 familias.

O noso domicilio social está na rúa do Orzán, 21 da Coruña, nun edificio cedido polo Concello desta capital e que compartimos coa Federación Provincial e o Consello Escolar Municipal.

Tal como reflicte o Artigo 2º dos nosos Estatutos, CONFAPA-GALICIA ten por obxecto:

a) Conseguir un ensino de alta calidade, gratuíta e que desenvolva a personalidade humana no respecto aos principios democráticos de convivencia e aos dereitos e liberdades, ao amparo de canto determina a Constitución Española de 1978 así como a Lei Orgánica 1/2002 de 22 de marzo, reguladora do Dereito de Asociación.

b) Coordinar a actuación das Federacións provinciais nela integradas en orde ao mellor logro dos seus obxectivos.

c) Representar ás Federacións asociadas ante a Administración Autónoma de Galicia e ante a Administración Central do Estado.

d) Fomentar o desenvolvemento das APAs e das Federacións por estas constituídas, promovendo e desenvolvendo cantas actividades sexan necesarias, así como facilitando información e asesoramento ás APAs e Federacións.

e) Promocionar a participación dos pais de alumnos a través das APAs e Federacións destas nos órganos de Goberno dos Centros Públicos e nos órganos de participación na Administración Educativa que a lexislación vixente determine.

f) Potenciar a cultura en Galicia.

g) Establecer relacións coas Federacións de APAs doutras Comunidades Autónomas e coa Confederación Española de APAs (CEAPA).

h) Impulsar a formación de pais de alumnos e o diálogo pais-profesores.


i) Promover todo tipo de accións tendentes a que os grupos marxinados socialmente por razón de etnia, diminución física, psíquica ou sensorial ou calquera outro motivo sexan integrados nos Centros Educativos e admitidos con normalidade na Comunidade educativa.

j) Potenciar calquera actividade que conduza a que a planificación dos programas educativos responda a unha integración social, laboral, cultural e económica dos grupos marxinados socialmente.

k) Facilitar asesoramento legal a todos os membros e asociados e, no seu caso, promover as correspondente accións administrativas ou xudiciais tendentes a garantir os intereses e dereitos recoñecidos legalmente.

Ademais da nosa actividade provincial a través das Federacións e autonómica, a través das nosas propias canles, participamos a nivel estatal en CEAPA (Confederación Española de APAs) como integrantes do seu Consello Autonómico.

PRESENCIA DE CONFAPA

- CONSELLO ESCOLAR DO ESTADO
- CONSELLO ESCOLAR DE GALICIA
- CONSELLOS ESCOLARES MUNICIPAIS
- COMISIÓNS DE ESCOLARIZACIÓN ( Primaria, Secundaria, Bacharelato e Ciclos Formativos )
- COMISIÓNS PROVINCIAIS DE COMEDORES
- COMISIÓN DE ESCOLAS VIAXEIRAS
- COMISIÓN DE VOLUNTARIADO
- COMISIÓN DE GRATUIDADE DE LIBROS DE TEXTO
- COMISIÓN RUTAS LITERARIAS
- COMISIÓN RUTAS CIENTÍFICAS
- OBSERVATORIO GALEGO DÁ INFANCIA
- OBSERVATORIO AUTONÓMICO DE CONVIVENCIA
- PLAN DE APOIO ÁS FAMILIAS

ACTIVIDADES

1. DE CARÁCTER REGULAMENTARIO:

ASEMBLEA XERAL ORDINARIA E REUNIÓNS DE XUNTA DIRECTIVA.

2. DE CARÁCTER PERMANENTE:

- ESCOLA DE PAIS

- ASESORÍA XURÍDICA

- ASESORÍA TÉCNICA

3. DE CARÁCTER FORMATIVO:

- CURSOS DE FORMACIÓN PARA DIRECTIVOS DE APAs

- XORNADAS PARA PAIS E NAIS INTEGRANTES DE APAs

- CURSOS SOBRE CONSELLOS ESCOLARES

- CICLOS DE CONFERENCIAS

- CURSOS DE INFORMÁTICA PARA APAs

PUBLICACIÓNS:

“ANÁLISE SOBRE A REALIDADE EDUCATIVA EN GALICIA” (1993)

“LEXISLACIÓN BÁSICA PARA AS APAs” (2007 e 2008)

Colaboramos de xeito periódico na “Revista Galega de Educación”

LOGROS

Os logros e programas que a continuación enumeramos e que nalgúns casos foron asumidos pola Administración parcial ou totalmente, foron conseguidos grazas as demandas da CONFAPA-GALICIA

Gratuidade dos libros de texto

Acompañantes no transporte escolar

Supresión das prazas de 2+1 nos autobuses escolares

Apertura de centros fora do horario lectivo

Elaboración dos plans de convivencia

Protocolo de actuación do Plan Nacional de Convivencia Escolar

Axudas para o servizo de almorzo nos centros públicos

Maior dilixencia na cobertura de baixas docentes e persoal complementario nos centros públicos

Mellora nas instalacións e equipamentos dos centros públicos

Decreto de Galego